Boksçu Məhəmmədrəsul Məcidov Londonda bürünc medala layiq görülüb

Bakı, 11 avqust, SalamNews, R.Nadirli. XXX London Yay Olimpiadasında boks üzrə yarımfinal görüşləri keçirilib.

SalamNews xəbər verir ki, bu mərhələdə Azərbaycanın iki təmsilçisi - Teymur Məmmədov və Məhəmmədrəsul Məcidov rinqə çıxıb. Məhəmmədrəsul Məcidov da finala yüksəlmək arzusunda idi. Boksçumuz bu mərhələdə italiyalı Roberto Kammarelli ilə qarşılaşıb və hakimlərin ədalətsizliyi nəticəsində rəqibinə məğlub olub (12:13). Bununla da təmsilçimiz Olimpiadanı bürünc medalla başa vurub.